Author: MANIRAGUHA Ladisilas

Iyi mpanuka yabaye kuri uyu wa Gatandatu mu murenge wa Tumba, ahitwa Rukore. Imodoka yarimo umugeni (umukobwa) na bamwe mu bo mu muryango we, bari bamuherekeje agiye gusezerana kuri kiliziya ya Paroisse Rulindo. Umuvugizi w’Ishami rya Polisi rishinzwe umutekano wo mu muhanda, SP Emmanuel Kayigi yemereye umunyamakuru wa bigezweho tv ko ayamakuru ariyo Ati: “Nibyo kuri uyu wa gatandatu tariki ya 14/02/2026, Saa 09h30 mu mudugudu wa Gashoro; Akagari ka Barari mu murenge wa Tumba ho mu karere ka Rulindo habereye impanuka y’imodoka Mini bus yaritwaye abantu 16 yavaga Tumba yerekeza kuri Paruwasi ya Rulindo bari kumwe n’umugeni mu modoka.…

Umunyamerika Erik Prince washinze umutwe w’abacanshuro wa Blackwater, byemejwe ko yohereje mu mujyi wa Uvira abarwanyi be mu rwego rwo gufasha ingabo za Leta ya Repubulika Iharanira Demokarasi ya Congo kuwurinda ndetse no gukoresha za drone z’intambara. Ibiro Ntaramakuru Reuters by’Abongereza byatangaje ko aya makuru byayahamirijwe n’abantu bane bayazi neza. Mu Ukuboza 2025 ni bwo umutwe wa AFC/M23 wari wigaruriye umujyi wa Uvira uwirukanyemo ihuriro ry’Ingabo za Leta ya Congo Kinshasa, ariko uza gufata icyemezo cyo kuwuvamo nyuma yo kotswa igitutu na Leta Zunze Ubumwe za Amerika. Erik Prince usanzwe ari inshuti ya Perezida Donald Trump, amaze igihe yarahawe akazi…

Perezida Paul Kagame yasabye inzego bireba gukora ubukangurambaga, kugira ngo abakoresha imbuga nkoranyambaga mu Rwanda bajye babona amafaranga aziturukaho. Mu busanzwe mu Rwanda abakoresha imbuga nkoranyambaga nka Facebook, Instagram, YouTube na TikTok ntacyo binjiza, mu gihe mu bindi bihugu abazikoresha binjiza amafaranga biciye muri ‘publicité’ zinyuzwa mu bihangano byabo. Icyakora abari mu Rwanda bashobora kwinjiza amafaranga kuri ziriya mbuga, ariko bisaba ko babanza kwiyandikisha nk’abatuye mu bindi bihugu ‘Monetization’ yemewemo. Kuri uyu wa Gatanu tariki ya 6 Gashyantare ubwo inama ya 20 y’umushyikirano yari ku munsi wayo wa kabiri, ikibazo cya ‘Monetization’ idakunda ku bakoresha imbuga nkoranyambaga cyagaragajwe nk’umuhanzi Itahiwacu…

Abana bane barimo umuhungu, bapfiriye mu nkongi y’umuriro mu gace ka Kasika (Komini Karisimbi) i Goma mu ijoro ryo ku wa Kabiri, itariki ya 3 Gashyantare, rishyira ku wa Gatatu, itariki ya 4 Gashyantare nk’uko amakuru aturuka muri ako gace avuga. Abapfuye n’abakobwa batatu, bafite imyaka 4 (Délice), 8 (Narcisse), na 16 (Viviane), n’umuhungu imyirondoro ye itarashyirwa ahagaragara. Nk’uko amakuru abanza agera kuri Radio Okapi avuga, ​​nyina w’abana yari yagiye mu masengesho ubwo inkongi y’umuriro yatangiraga. Impamvu y’ayo makuba iracyakurikiranwa. Ababibonye batangaje ko ishami rishinzwe kuzimya umuriro ryatinze kugera aho byabereye kugira ngo bazimye, nubwo abaturage benshi bo muri ako…

Ishami ry’Umuryango w’Abibumbye ryita ku baturage (UNFPA) rivuga ko nibura abakobwa miliyoni 4.5 bashobora kuzahura n’ikibazo cy’isiramurwa mu mwaka wa 2026. UNFPA igaragaza ko ku isi hose abagore n’abakobwa bagera kuri miliyoni 230 bamaze gukorerwa iri hohoterwa, rifatwa nk’ikorwa rinyuranyije n’uburenganzira bwa muntu. Nubwo hari aho bikorwa n’abakozi bo mu rwego rw’ubuvuzi, UNFPA ivuga ko bidafite ishingiro mu buvuzi kandi ko nta mpamvu n’imwe y’ubuvuzi ishobora kurishyigikira. Iyi ngeso iboneka mu bihugu 94 byo ku migabane itandukanye. Nubwo hari imbaraga zikomeje gushyirwa mu kuyirwanya, UNFPA ivuga ko abakobwa n’abagore benshi bagihura n’ingaruka zikomeye ku buzima bw’umubiri n’ubw’umutima. Raporo igaragaza ko…

Komisiyo y’Igihugu y’amatora muri Uganda, yatangaje ko Perezida Yoweri Kaguta Museveni, yongeye gutsinda amatora y’Umukuru w’Igihugu ku majwi 71,6%, mu bakandida barindwi bari bahatanye. Aya majwi y’agateganyo yatangajwe, yerekana ko Robert Kyagulanyi Ssentamu wamenyekanye mu muziki nka Bobi Wine, we yagize amajwi 24,72%. James Nandala Mafabi ubakurikiye, yagize ijwi 1,88%, abandi basaranganya amajwi asigaye. Muri aya matora yabaye tariki ya 15 Mutarama 2026 yitabiriws ku kigero cya 52,5% mu bantu miliyoni 21,6 bari kuri lisiti y’itora. Komisiyo yagaragaje ko habaruwe amajwi miliyoni 11.090.848 yakusanyijwe kuri site 50.739 zo hirya no hino mu gihugu. Ay’abatoye Museveni ni 7.946.772, aya Bobi Wine…

Kuba u Rwanda ruriho mu mutekano usesuye n’abenegihugu (Abanyarwanda) babanye neza si ibya none ahubwo ni uko abakurambere babiharaniye kabone n’ubwo abakoloni barukomye mu nkokora barubibamo amacakibiri yarugejeje kuri Jenoside yakorewe abatutsi muri Mata 1994, hakicwa abasaga Miliyoni. Ibi nibyo biteye umunyamakuru wa Karibumedia.rw gusubiza amasomo inyuma mu mateka y’u Rwanda kugira ngo ayasangize abatoya by’umwihariko urubyiruko n’abandi batayazi kubwo kudacengera amateka. Aha umunyamakuru wa Karibumedia.rw arahera ku ngoma ya Kigeli Rwabugiri aho yimye mu mwaka wa 1865 noneho ageze mu mwaka wa 2010, ubwo u Rwanda rwinjiraga mu muryango w’ibihugu by’iburasirazuba bw’Afurika ari nawo mwaka wabayemo amatora ya Perezida…

Abanyeshuri 31 bize amasomo y’igihe gito (Amezi 6) muri Muhabura Integreted Polytehnic College(MIPC) bizwi nka “Short course” mu bijyanye no guteka, kuri uyu wa gatanu, tariki 16/01/2026 bahawe impamyabumenyi zabo, bityo basabwa kuzazibyaza umusaruro bumva ababagana, kugira isuku n’indangagaciro bakagaragaza itandukaniro n’abakora uwo mwuga batarageze mu ishuri. Ibi babisabwe n’Umuyobozi w’agateganyo w’iri shuri Bwana MANZI Innocent wabanje gushimira abanyeshuri ko bitwaye neza, bakiga bagatsinda none bakaba bagiye ku isoko ry’umurimo ndetse ashimira ababyeyi n’abarimu uburyo bitanze ngo abana bige neza kandi bagire ubumenyi buhagije. Yagize ati” Nyuma yo gushimira abanyeshuri ku muhate bagize ngo babone ubumenyi bifuzaga, nashimira ababyeyi n’abarimu…

Raporo y’Ikigo cy’Igihugu cy’Ibarurishamibare (NISR) isuzuma ibyo abantu bakoresheje mu ngendo bakoreye mu Rwanda [Travel Expenditure Survey:TES] yagaragaje ko mu 2024, abanyamahanga basura u Rwanda bakoresheje arenga miliyoni 579,5$, ni ukuvuga arenga miliyari 839,9 Frw Frw mu bintu bitandukanye bahashye byabafashije kubaho bari mu gihugu. Iyi raporo igendera ku byo umuntu yaguze mu gihugu kuva yinjiye yaba yanyuze ku mupaka wo ku butaka cyangwa yinjiriye ku kibuga cy’indege kugeza igihe ahaviriye. Abayikora basaba inyemezabuguzi abo batoranyije igihe bagiye kuva mu gihugu hakarebwa ingano y’amafaranga bakoresheje ku icumbi, amafunguro, kwishimisha, no kugura inzibutso batahana. Imibare igaragaza ko abinjira…

Ingabo z’ibihugu bigize umuryango wa BRICS, kuri uyu wa 10 Mutarama 2025 zatangiye imyitozo ya gisirikare ikaze mu mazi ya Afurika y’Epfo. Iyi myitozo yitabiriwe n’ibihugu byari bisanzwe muri BRICS birimo Afurika y’Epfo, u Bushinwa, u Burusiya n’ibindi bitandatu byiyongereye muri uyu muryango birimo Iran. Ibaye mu gihe umwuka mubi ukomeje gututumba hagati ya Leta Zunze Ubumwe za Amerika na bimwe mu bihugu bigize uyu muryango nk’u Burusiya, Iran n’u Bushinwa. K’u Burusiya, uyu mwuka mubi watutumbye ubwo ingabo za Amerika zafataga ubwato bunini butwara ibikomoka kuri peteroli bwari butwawe n’Abarusiya, buzwi nka Bella 1, zisobanura ko ari ubwa…