( N.B: DORE UMUTI W’ABANTU BABOSHYWE N’UBUSAMBANYI)
Yohani 1:23 hagira hati: “Ati: “Ndi ijwi ry’urangururira mu butayu ngo ‘Nimugorore inzira y’Uwiteka’ nk’uko umuhanuzi Yesaya yabivuze”.
ESE UGIRA NGO WAKWISHOBOZA KUREKA UBUSAMBANYI KANDI UMUBIRI WAWE ARI MUZIMA?
Umuntu muzima mu mubiri kugira ibyiyumviro byo gushaka uwo badahuje igitsina ni ibintu bisanzwe, gusa uko abyiyumvisemo siko agomba guhita akurikira inzira y’aho bimuganisha ahubwo agomba kureba ko Imana ibimwemerera kandi ari ahantu hakwiriye.
HARI ABANTU BAFITE IMYUKA IBAKURURIRA MU BUSAMBANYI BABISHAKA BATABISHAKA.
Hari abagira karande y’ubusambanyi kuburyo babishaka batabishaka bashiduka basambanye. Urugero nink’umwana wavutse ku ndaya nawe iyo adahuye n’ubuntu bw’Imana aba azasambana kakahava; Hari abarogwa ndetse n’abaturwaho n’ababyeyi babo ho umwuka wo gusambana, gusa ntitwibagirwe n’abadayimoni bitiza ishusho y’umuntu bari mu isi bagamije gukwiza ubusambanyi ari nabo batera gukwirakwira kw’ibintu bitumvikana by’ubutinganyi.
ESE UFITE UMUGABO CYANGWA UMUGORE ARIKO UTERWA N’UMWUKA WO GUSAMBANA?
Ubundi muri rusange wakwibaza umuntu ufite umugabo cyangwa umugore igituma ajya gusambana kandi ntacyo yabuze iwe.
Dore icyo wakora niba ushaka kubikosora:
1. Kenshi gashoboka ujye uba uri kumwe n’uwo mwashakanye;
2. Irindi kuba ahantu hiherereye n’abo mudahuje igitsina;
3. Ntukarebe amafirime n’amafoto y’urukozasoni;
4. Irinde ibiganiro biganisha ku busambanyi;
5. Ntukarebe uwo mudahuje igitsinda ngo umumareho umwanya munini ndetse wirinde gutinda umutekerezaho kubijyanye n’imiterere ye;
5. Senga Imana ijye iguha kurarikira uwo mwashakanye gusa.
ESE UMUNTU UTARASHAKA WE YAKORA IKI NGO YIRINDE UBUSAMBANYI?
1. Gusenga cyane;
2. Senga Imana ikuvanemo ibyiyumvo byo kwifuza uwo mudahuje igitsina kugeza ushyingiranwe n’uwo Imana yaguteguriye;
3. Rinda amaso yawe uyarinde ibiteye isoni;
4. Rinda amatwi yawe kumva ibyerekeranya n’ibijyanye n’ubusambanyi;
5. Wirinde kwihererana n’uwo mudahuje igitsina;
6. Wirinde gutekereza cyane ku miterere y’uwo mudahuje igitsina.
Imana iguhe umugisha mwene data!
Yari mwene so muri Yesu Kristo
Pasteur Alphonse HABYARIMANA.
