Dusangire ijambo ry’Imana! Theme: Umunyembaraga ntabonerwa muzo yakoresheje yihorera, ahubwo abonerwa muzo akoresha ababarira no kwifuriza ibyiza uwahemutse.

Muri 1 Petero 3:9, hagira hati: “[9]Ntimukiture umuntu inabi yabagiriye cyangwa igitutsi yabatutse, ahubwo mumwiture kumusabira umugisha kuko ari byo mwahamagariwe kugira ngo namwe muragwe umugisha.Abantu bamwe kubw’imbaraga nke mu kwirinda icyaha; Bagira guhemuka; Ubusambo; uburiganya; Kwicana; Ubusambanyi; Kuroga; Kwangana…

NIBA WARAHEMUKIWE NTUZASHIMIRWA KO WIHOREYE KURUSHAHO.

Usibye no kwihorera birushijeho, ntituri no mugihe cy’iryinyo ku ryinyo cyangwa ijisho ku jisho (Code d’Hammurabi) aho iyi kode yavugaga ngo umuntu nagukura iryinyo nawe arikurwe cyangwa navanamo ijijsho ry’undi nawe barivanemo.

MU RWANDA DUSHIME IMANA KO PEREZIDA KAGAME PAUL YABUJIJE ABANTU KWIHORERA.

Umuyobozi w’u Rwanda, Nyakubahwa Perezida wa Repebulika y’Urwanda Paul Kagame, Imana yamuhaye imbaraga, ubuhanga byatumye ayobora abanyarwanda mu nzira ituma igihugu gikomeza kubaho. None se iyo ataba muri iri jambo ry’Imana, mu Rwanda hakabaho kwihorera Urwanda rwari kuba rumeze rute?

IJAMBO RY’IMANA RIRAVUGA NGO TUNESHESHE IKIBI IKIZA.

Mu Abaroma 12:21, hagira hati: [“21]Ikibi cye kukunesha, ahubwo unesheshe ikibi icyiza.

Imana iguhe umugisha niba ukunda kubabarira, gusabira umugisha abakugiriye nabi ndetse no kubasengera ngo bahinduke.

Imana ikomeze ikurinde, ndagukunda!

Pasteur Alphonse HABYARIMANA.