Muri Matayo 7:24-27 hagira hati: “[24]“Nuko umuntu wese wumva ayo magambo yanjye akayakomeza, azaba nk’umunyabwenge wubatse inzu ye ku rutare;
[25]imvura iragwa, imivu iratemba, umuyaga urahuha, byose byikubita kuri iyo nzu ntiyagwa, kuko yari ishinzwe ku rutare;
[26]“Kandi umuntu wese wumva ayo magambo yanjye ntayakomeze, azaba ari nk’umupfapfa wubatse inzu ye ku musenyi;
[27]imvura iragwa; Imivu iratemba; Umuyaga urahuha, byose byikubita kuri iyo nzu iragwa kandi kugwa kwayo kwabaye kunini.”
UMUNTU USHAKA GUKOMERA MU BURYO BWOSE, MU BURYO BURAMBYE AYOBORWA NA YESU KRISTO.
Haba ku gihugu; Umuryango kugeza ku muntu ku giti cye, gukomera kwabyo mu buryo burambye bishingira ku kubaka ku rutare ari rwo Yesu Kristo kuko muri we harimo ubuzima; Imbaraga; Kurama; ibyishimo; Ubwenge; kwiyoroshya; Gukiranuka; Icyubahiro; Ubukire n’ibindi byiza byose wakwifuza.
IGIHUGU CYANGWA UMUNTU UDAKIRANUKA BIBA ISOKO Y’IBIBI BYOSE
Kudakiranuka bitera ubwicanyi; Ubujura; Ubusambanyi; kugambanirana; Ruswa; Kwikunda; Akarengane; Inzara; Uburwayi; Ubujiji; Ubunebwe n’ibindi bibi byica sosiyete y’inyoko muntu.
HARANIRA KUBAKIRA KU RUFATIRO RWA YESU KRISTO, UZABAHO NEZA MURI IKI GIHE NDETSE NO MU BIHE BIZAZA.
Mu isi, usanga ubuzima ari hasi hejuru ariko umuntu utarashishoje mu kubaho kwe ubuzima bwe bugeraho bukazima.
Indangagaciro ziri muri Yesu Kristo nizitubamo tuzabaho neza; Tuzarama; Tuzabaho ubuzima bwishimye ndetse tuzabaho mu isi imeze neza.
MU BIBAZO UFITE UBONA BITERWA N’IKI? ESE WUBATSE KU RUTARE BIKWIRIYE IMIYAGA IKABA IKUMEREYE NABI?
Tuzakomerezaho ejo…
Ndagukunda mwene data muri Yesu Kristo. Imana iguhe umugisha, ndagukunda!
Yari Pastor Alphonse HABYARIMANA.
