RDC: Muri FIZI, Ingabo za FRDC na Wazalendo basubiranyemo

Ni Mu gace ka Lubarika/Kagaragara mu Kibaya cya Ruzizi, Intara ya Kivu y’Amajyepfo, habaye imirwano yamaze amasaha abiri hagati y’ingabo za FARDC zo muri Batayo ya Guépards n’abarwanyi ba Wazalendo bo mu mutwe wa Bikotwa.

Nk’uko amakuru yatangajwe abivuga, imibare y’agateganyo igaragaza ko abasirikare babiri ba FARDC bishwe; Abandi bane barakomereka, naho umurwanyi umwe wa Wazalendo witwa Gentil Bigombo arakomereka. Umwana w’umukobwa w’imyaka 8, witwa Marguerite Kapere na we yakomeretse amaguru yombi.

Amakuru avuga ko aba basanzwe bafatanya ku ruhande rushyigikiye ubutegetsi bwa Perezida Félix Antoine Tshisekedi barwanye hagati yabo, bikavamo impfu n’inkomere n’ubwo basanzwe bahuriye ku rugamba rumwe.

Iyi mirwano yabaye ku wa Gatanu, tariki ya 17 Nyakanga. Yamaze amasaha nk’abiri, hagati ya saa munani z’amanywa na saa kumi z’umugoroba “14h00_ 16h00”. Abatuye mu karere ka Fizi no mu mujyi wa Kalemie bavuga ko bahangayikishijwe n’uko amakimbirane hagati ya FARDC na Wazalendo ashobora kugira ingaruka ku bikorwa bya gisirikare byo kurwanya AFC/M23.

Icyitonderwa: Aya makuru ashingiye ku byatangajwe muri raporo twasangijwe, Imibare y’abapfuye n’abakomeretse ndetse n’impamvu z’iyi mirwano ntibyigenga byemejwe. Tubitege amaso!

Karibumedia.rw