Umwana w’imyaka 13 yataye ishuri ajya gutangiza ubucuruzi butanu

Umwana w’imyaka 13 wo mu gace ka West Pokot muri Kenya yatangaje benshi nyuma yo guhagarika amasomo akiyemeza kwibanda ku bucuruzi, aho amaze gutangiza ibikorwa birimo gusya ibigori, iduka, kogosha abantu, kugurisha amazi ndetse n’akabari gatanga amafunguro n’aho kurara.

Uyu mwana yamenyekanye cyane ku mbuga nkoranyambaga, aho bamwe bamushimagiza kubera umwete n’ubushobozi bwo kwihangira imirimo akiri muto, mu gihe abandi bagaragaza impungenge z’uko ashobora kuba yararetse uburere n’amashuri akiri muto cyane.

Nk’uko ikinyamakuru TUKO cyo muri Kenya cyabitangaje ku wa 28 Kamena 2026, uyu mwana ngo yaba yaragurishije ihene zigera kuri 50 n’andi matungo yo mu muryango we, akabona amafaranga agera ku mashilingi ya Kenya 150.000, ayifashisha mu gutangiza ibikorwa bye by’ubucuruzi.

Karibumedia.rw