Imikino

RULINDO: Umurenge wa Base ugiye kongera guhurira ku mu mukino wa nyuma muri Kagame Cup n’uwa Kimonyi.

Umurenge wa Base uhagarariye akarere ka Rulindo wongeye gushimangira ko ufite ikipe itajegajezwa mu marushanwa y’Umurenge Kagame Cup kuko wongeye kugera k’umukino wanyuma k’urwego rw’ intara y’amajyaruguru , aho uyu murenge uzacakirana n’umurenge wa Kimonyi uhagarariye akarere ka Musanze aho iyimirenge nubundi umwaka washize yongeye guhurira kuri Final umurenge wa Kimonyi wegukana igikombe .

Ikipe y’umurenge wa Base.

Aya makipe byamenyekanye ko azahura nyuma yaho ikipe y’umurenge wa Base ihagarariye akarere ka Rulindo itsinze ikirego yarezemo ikipe y’umurenge wa Ruli wari uhagarariye akarere ka Gakenke kubwo gukinisha abakinnyi batari bemerewe gukina ayamarushanwa.

Nyuma yo kubona itike yo gukina umukino wa nyuma w’irushanwa bivuye mugutsinda iki kirego, abakinnyi; Abayobozi ndetse n’abaturage bo mu murenge wa Base bagaragaje ibyishimo byabo, bishimira intambwe ikipe yabo yateye yokongera gukina umukino wa nyuma na Kimonyi.

Ikipe y’umurenge wa Kamonyi.

Mu kiganiro yagiranye n’umunyamakuru wa karibu media.rw, umutoza w’ikipe y’umurenge wa Base Bwana Habimana Dieudonné uzwi ku izina rya Dioko, yavuze ko intego yabo ari igikombe. Ati: “Nibyo, twageze ku mukino wa nyuma. Nk’uko nabivuze, intego yacu ni ugutsinda kandi igikombe tugomba kukibona.

Abatuye Umurenge wa Base bahora batwereka ko badushyigikiye, rero tuzaharanira kubashimisha”. Umukino wa nyuma utegerejwe kuri uyu wa Gatanu tariki ya 28/03/2025. Kuri stade ya shyorongi

Imikino ya nyuma y’irushanwa ry’Umurenge/ Kagame Cup mu bagore na abagabo mu ntara y’amajyaruguru izaba ku wa gatanu, tariki ya 28 werurwe 2025 kuri stade ya Shyorongi. Ikipe izatwara igikombe mu bagabo no mu bagore izahagararira intara y’amajyaruguru ku rwego rw’Igihugu.

Yanditswe na NKURUNZIZA Bonaventure.

Ladisilas MANIRAGUHA

Umuyobozi mukuru w'Ikinyamakuru Karibumedia.rw n'umuvugizi wungirije w'Umuryango Poverty Reduction and Gender Promotion "P.R.G.P". ADDRESS: Telephones: +250788354794; +250788342072; +250725423319. E_mails: karibumedia@gmail.com; karibumediatv@gmail.com; ladisilasm@gmail.com

Laisser un commentaire

Votre adresse e-mail ne sera pas publiée. Les champs obligatoires sont indiqués avec *