RUHANGO: Umugabo yahawe ikiraka cyo kumanura avoka ahasiga ubuzima.

Amakuru avuga ko Byiringiro Emmanuel, Umuyobozi w’Ishami ry’Ubuhinzi n’Ubworozi mu Karere Ka Ruhango n’umugore we batawe muri yombi.

Ayo makuru yatanzwe na bamwe mu bakorana na Byiringiro Emmanuel, avuga ko yafashwe ari muri siporo yo kuwa gatanu Taliki ya 28 Nzeri 2024.

Bamwe mu batanze ayo makuru bavuga ko uyu muyobozi afunganywe n’umugore we.

Umwe yagize ati: “Ntabwo turamenya neza icyo bafungiye ariko harakekwa gushora akaboko mu bucukuzi bw’ibirombe”.

Gusa bakavuga ko uwatanze amakuru ari umugore bari baragije ibyo birombe bananirwa kumvikana aha Ubugenzacyaha amakuru yuko dosiye iteye.

Cyakora bakavuga ko batazi neza impamvu bamufunganye n’umugore we, kuko we atari umukozi w’Akarere.

Mugenzi we nawe utashatse ko amazina ye atangazwa yagize ati: “Bishoboke ko yari yaramuhaye ikirombe bikaza kumenyekana”.

Nta rwego rw’Akarere cyangwa urw’Ubugenzacyaha ruragira icyo rutangaza kuri aya amakuru.

Yanditswe na NKURUNZIZA Bonaventure.