RIB yafunze abakozi b’uturere batatu bakurikiranyweho gukora amanyanga.

• Ku gicamunsi cyo kuri uyu wa Gatandatu tariki ya 21 Ukuboza 2024, nibwo urwego rw’igihugu rw’ubugenzacyaha “RIB”, rwatangaje ko rwafunze abakozi b’uturere dutatu barimo Mbyayingabo Athanase na Nsabimana Cyprien; Abanyamabanga Nshingwabikorwa b’uturere twa Rusizi na Kirehe na Rutikanga Joseph, umuyobozi mukuru ushinzwe imirimo rusange mu Karere ka Nyamasheke.

Mu butumwa RIB yanyujije ku rubuga rwayo rwa X, buvuga ko abafunzwe bakurikiranweho gutanga amasoko ya leta mu buryo bunyuranyije n’amategeko. Bafungiye kuri sitasiyo za RIB za Kicukiro; Remera na Ruharambuga, mu gihe dosiye zabo zirimo gutunganywa kugira ngo zoherezwe mu Bushinjacyaha.

Aba bayobozi bafashwe nyuma y’iperereza rimaze iminsi rikorwa ku mitangire y’amasoko mu turere dutandukanye kandi rirakomeje.

Yanditswe na NKURUNZIZA Bonaventure.