GAKENKE: Umugore w’imyaka 36 yasanzwe mu mugozi yapfuye.

MUKANDORI Jacqueline, umugore w’imyaka 36 wari utuye mu Mudugudu wa Kibingo; Akagari ka Karyango; Umurenge wa Muyongwe; Akarere ka Gakenke yasanzwe mu mugozi yapfuye bikekwa ko ashobora kuba yiyahuye.

Amakuru y’urupfu rwa MUKANDORI yatangiye kumvikana mu gitondo cyo kuri uyu wa Gatatu tariki 11 Nzeri 2024, bivugwa ko bamusanze mu mugozi yarangije gushiramo umwuka.

Umunyamabanga Nshingwabikorwa w’Umurenge wa Muyongwe, TWAHIRWA Jean de Dieu yemeje amakuru y’urupfu rw’uwo mugore, avuga ko bakeka ko yaba yiyahuye kuko yigeze kugaragaza ikibazo cy’uburwayi bwo mu mutwe.

Yagize ati: “Ni amakuru yatugezeho mu gitondo cyo kuri uyu wa gatatu twahise twihutira gutabara. Dukeka ko yaba yiyahuye kuko yari asanzwe afite uburwayi bwo mu mutwe ndetse amakuru dukesha abaturanyi be avuga ko yiyahuye n’umugabo we adahari”.

Yanditswe na NKURUNZIZA Bonaventure.